Super Si Reyna

Sweet 16 ako nung napatunayan kong isa pala akong girlaloooo na natrap sa bodelya ng isang men.. oo, ate, isa pala akesh na paminta. Pero siyempre naman, in the closet lemeng ang drama. Hindi maaring magladlad ng kapa at palda ang lola. Bukod sa may shupatembang (kapatid) akong lalaki (si kuya Ku) superb sa pagkastrict ang fudang namin. Galing kami sa maharlikang pamilya, dugong bughaw ang mga ninuno namin. Charosssssss! Hindi naman ako mahilig sa cosmetics o mga damit pang babae. Tulad ng mga normal gays I mean guys, I dress like them, walk and act like one of them, of course para hindi mabuking ang sikretong binabae. Gumi-gf pa nga ako nun eh, kinukutsaba ko ung barkada kong tibo, na hindi alam ng barkada na pusong maton. Kunyari kami. Normal naman kahit papano. straight-straightan ang drama hanggang sa ipasok ako ng father namin sa PMA. Diyos ko! Gusto kong himatayin. Hindi dahil sa kinakailangan ko ng matindi-tinding powers mula sa bathala ng mga diyosa, kundi dahil sa dami ng mga nagagwapuhang mga nilalang sa PMA. Imbes na maging tunay na lalaki, lalo kong nahasa ang aking pagiging sirena. Sa aking pagpasok sa PMA, nadiskubre kong ako ay nasa isang paraiso kung saan ako ang nag-iisang sirena at ang mga nasa paligid ko ay sanlaksang mga syoke. Aylabeeeeeet!  *kagat-labi*

Minsan sabi ni bok: “Bok, bakla ka ba?” mabuti na lang nakatalikod ako sa kanya, hindi niya nakita ang kabiglaan sa mala-angelic fez ko. Ume-hem ako sabay palaki ng boses, “Ako? Bakla? Ginagago mo ba ko Bok?” “Hindi naman Bok, natanong ko lang, nung minsan kasi parang lumalamya ang kilos mo. Panay pa ang kapit mo kay Asuncion.” Sa bandang huli, nalaman kong ito palang si Bok eh kafederasyon. Mas naunang nagladlad ng kapa at nagpintura ng fezloo at sa ngaun eh rumarampa na sa Singapura may fafa na Tsekwa.

Natanong na din ako dati ni Kuya Ku, ewan ko. Minsan nagdududa na rin ako sa kanya, mukhang malakas ang radar niya. Hmmmm kuya. Hindi kaya may fekfekpakpak ka rin? Tinanong niya ako, :”oi Ru! Bading ka ba? Bakit ganyan ka?” (with pa-maton na voice. Parang trying hard naman) ako naman, “hindi foh kuyang. Umi-imagine ka na naman.”

Madalas akong matanong kung bakla ako. Nuon hindi ko masagot-sagot ng totoo dahil nakatago pa nga ang lola nyo. Pero ngayon, ask me now, at masasagot ko na yan ng:

Oo, bakla ako, proud to be one. Got a problem with that? (sabay taas ng isang kilay, tuck ng hair sa right ear, sabay padyak)

Patikim.

-RU-